kuch dhaage, kuch moti

kuch aahat , kuch khayal,
kuch dhadkan,kuch daastan
kuch ummedein, kuch khawishein

sab bache kuche,
sametein hain,batoorien hain in haathon main
inhi lamhon ko banake moti
chahat ka dhaaga liye, unme firoyen hain
Ek sapna bana hain. Mera motiyon ka haar.
Ek sapna bana hain.

Sapnon ki fitrat hain,
moti haath se gir jaate hain
toot jaate hain, bikhar jaate hain.

Hum khud to thilaasa dete,
Moti hi to they
kuch bade, kuch chote
lamhe hi to they
kuch nagme, kuch gaane
keemti to nahin they.
Keemat unki ek hi boond thi
sirf ek boond aansu ki.

Phir bhi dekho is zindagi ko
toot te sapnon ke dard se,
bahte aansuon ke boond se
jaate lamhon ke aahat se
sooni dil ki dhadkan se
na jaane kab phiro liya
usne ek aur maala,
mere aankhon main daal liya
ek aur sapne ka maala.